Os Contos de Ángel Domínguez (Galicia-Hoxe.com - 28/IV/2008)

El portal gallego Galicia-Hoxe.com se hizo eco de la salida a la venta de ‘Veinticuatro Horas en el Bosque’, primera referencia de la Editorial Narradores, y lo hizo, como no podía ser de otra manera, en el idioma de la comunidad, en gallego, dedicando una pieza titulada Os Contos de Ángel Domínguez, artículo con el que, a continuación, os dejamos.

A editorial online biscaíña narrador.es presenta ó mercado o libro Veinticuatro Horas en el Bosque (Narradores, 2008), a última obra do ilustrador Ángel Domínguez (Galdakao, 1953), autor de referencia no ámbito internacional que foi o responsable de ilustrar en exclusiva un libro para a raíña Rania de Xordania.

Segundo informou a editorial, o libro fala das 24 horas que se viven nun bosque encantado, no que se mostran varias actividades concordantes co ideal do autor da forma de vida que os nenos deberían de ter. Responsables da editorial destacaron que, “a través dunhas belas e impactantes ilustracións e unha prosa próxima ó conto, Ángel Domínguez narra importantes leccións de vida saudable, mesturadas con pequenas fantasías para que a lectura sexa agradable”, porque, na súa opinión, “nada é tan necesario e divertido na infancia como os contos que os pais deberían contarnos á hora de ir á cama, para soñar con elfiños do bosque ou coas aventuras de heroes lendarios”. Preséntase nun formato cómodo e manexable, cun tamaño idóneo para gozar dos debuxos que este libro contén nas súas 62 páxinas.